Baca Puisi Dalam Bahasa Kelate Sambil Tunggu Giliran Mengundi

Belajar puisi dalam Bahasa Kelantan dululah ya sebelum pergi mengundi.


Hok Sengoti [SAJAK DALAM BAHASA KELATE]



Laghe tok serupo denge suroh,
Hok comey bakpo duk pakat kato hudoh,
Saye sohh doh laeng denge beci,
Jerok mamey tok serupo denge jerok celagi.
Takot.. ado keno mengeno denge ketar gegar,
Serupo dahago ado sabit denge lapar,
Ngiga sebenarnyo ada sabit denge kemama,
Selok tak dok bezo denge tok kaba.
Sapo kato buluh tu galoh,
Sapo kato tekeng tu tok bekekoh,
Naka laeng sikit denge jahat,
Dawa pun oghe duk pangge krawak.
Kalu tunggo tok serupo turuh pagar,
Sengotilah tolo tok srupo denge panda,
Lagu mana gadoh, belah tu jugoklah lorat,
Toksohlah wak loloq tok kena hok mano dakak Hok mano krabak.
Demey tok keboh bezo denge leloh,
Senyung semeweh tok serupo denge sengeh,
Baling tu laen denge kipah angin,
Bereng.. abe sikit jah pado kerah keng.
Kito tok leh wak tok tetu kalu,
Oghe serabuk ngeleh kito tok tahu,
Kito duk ralit berembah badi cah keting,
Oghe laeng gi seruh-serah.. Kito duk pakat reboh teguling.
Ulat kekek jange wi tuka denge ulat belucah,
Jale bejeket jange kato srupo denge hungga derah,
Kalu karak buleh lagi kito peteri,
Hok gelonggong lagu mano pakat kato tokleh nok isi?
Payoh sengoti nok bekecek nok bekiro
Culah lagu laeng tok srupo denge celiko
Payoh jugk nok bezo mano lakoney mano sandiwaro
Hok sengotinyo, manih leting tu belung tetu ibu gulo!

- Lim Swee Tin

Bagi sesiapa yang nak tahu cara sebutannya, bolehlah tengok dan dengar macam yang dideklamasikan oleh Prof. madya Dr. Lim Swee Tin masa Pesta Buku Antarabangsa 2011. Tapi, audio dan videonya kurang memuaskan. Kalau takat nak dengar bolehlah...

Selamat mengundi semua! Pilihlah calon yang boleh membela nasib kita ya...5 tahun tu agak lama juga untuk kita TUKAR semula.

Video Buah Nyo Yang Banyak Pengajaran

Dok tercari-cari sesuatu di Youtube, tak sangka-sangka terjumpa dua video berikut. Kalau tengok latar belakang persekitaran dan budaya, macam dibuat di Kelantan. Bagi yang tak pernah jejak kaki di kampung-kampung kami nan miskin papa kedana lagi dihina-hina itu Kelantan, begitulah suasana kemiskinan kampung kami. Budak-budak pandai main guli ajelah ya...tadak ipad bagai hu hu hu Tak tahulah pulak kalau mereka buat rakaman ini di Trengganu.

Agak berbakat juga mereka ni. Paling penting adalah masej yang nak ditengahkan. Sangat menarik, menghiburkan dan masej tu pulak sampailah kiranya kepada penonton. Itupun kalau anda faham bahasa Kelantan. Bagi yang tak faham, bolehlah baca terjemahan yang disertakan pada bahagian sarikatanya.

Jom kita tengok apa sebenarnya yang nak mereka sampaikan.

Buah nyo=buah kelapa.

Buoh Nyo. Tuo ko Mudo..? (versi Kelantan)

Yang kedua ni benar-benar kena segedebuk kat muka aku…tidur selepas subuh. Kerapkalinya aku akan tidur lambat atau tak tidur langsung dok menyiapkan kerja sekolah. Akhirnya akan mengantuk terutama selepas waktu subuh tu. Kalau lepas subuh aku lelap sekejap, sempatlah juga lena sejam dua huh u huh u

Cer tengok apa yang dia perli aku tu…

Buoh Nyo 2. Tuo ko Mudo..? (versi Kelantan)



mmmmmmmm…ada sesiapa nak komen?

Belaja Kecek Kelate Versi Piala FA

Ambo tahu crito ni basi doh
sajo jah nak tunggu sejuk dulu
baru nok royak ko adik kako kita belako
bia demey keboh dulu takot jugok ambo kalu-kalu tok keboh
lamo ker tok cekak minu ai nyo dok mabuk tape tak po lagi
bberaklah kalu mabuk ai sejok gak
mugo tau dok puok kito ni
lorak gaduh tok tetu kalu ado pulok hok panah kok dale

Maso ore pakak dok geger gegok cari baju meroh
hungga gi cari pasa tani, pasa male
ambo pulok dok lorak gaduh nak kelik kaapo
lamo kakloh doh tak kelik
lah kelik dulu masa sambok taho baru
dok ngaro aai boh jugok maso tu
uje dok reti ...kelik tu puh balik krijo hok bena nyo
belang2 tuh jah kelik tengok mok poknyo
gitu lah sokmo pong
bukenyo kelik sebak cuti ko gapo

Ari slaso sebelo bola piala FA ari tuh
ambo kelik sore2..10 menek sebelong puko limo ambo turo dumoh
bedesuk hungga lorak gadoh srupo pok dogo suboh2 sepeie
bereti semeta di petronah dekak tol karok
awa ambo make ari tu, oda neskepe panah getek
nok suruh mato bbuko luah
huhhhh nyo jua neskepe 3+1 tak brapo nok jeliro

Sapa guwo muse puko 9.30 doh
tak bereti mano2 pong, isi minyok jah semeta kerey
pah tu muucut kecik palo2 kelik Ttere
singgoh moh abe make nasik, pkol 2 sapa rumoh
mek ayoh dok tido muko pitu kkejut bruk
tak rajin lagi anok dio ni kelik tak tetu kalu lagu ni
sekalo gak puye rayo jah kelik
puye duye pong tak napok baye huh u hu

male bola tu, rama-rama mek, ayoh, abe, kakok ipa, anok sedaro
pakak dok nyorok deper TB belang2 kekoh krepok
belang2 cicoh colek, minum aai kopi
maso tu baru ambo tahu ayoh buleh kena Gaddar
duo ari sebelo tu lagi dio dok tanyo bilo bola
maso maing tu...ayoh dok deper skali
ambo pulok kelik belang2 pecek mek
ari-ari pecek mek, buke sebak ambo reti pecek
mugo ore lamo...dok royak sakik oratlah
lengoh la...pecek jah lah mugo buke sokmo
maso tu jah pong dio nok mmanjo pong
kor lagu mano adik kakok?

Hari ahak esok keng tu, ambo kelik Bangi
Kalu ikuk ati, meme lah tok ser kelik lagi
Ssero tok puah kelik ner ari
Nok wak lagu mano, puok kito ni asal negeri hok paling sesok
Kenolah krijo, buke nyo ado ore nak wi subsidi ko ggapo
Ambo pulok buke ado getoh ko tanoh felda ko gapo
Kenolah jagi koli ore sapa mati

Ambo sebenanyo nok royak crito
Gapo bendo hok ambo tengok maso ambo kelik Bangi tuh
Mugo duo minggu lepah ambo tengok dale sinar hairan dok pakak royak
Ore kelate ni babir sapa rukah tiang api
Gilo dok kibar ddero meney piala FA
Sajo jah nak wi ambo naik angin

Kalu nak tahu hari ahad tu gak, ambo ni...
sekok Sebok kok daley dado dok nok nitik ai mato
Seriya bulu romo ddiri tegok chachey
Bele-bele bedikey bele-bele akak tangey ko sek2 kito
Beley-beley pakat wi lapu...Ddeeru kelik bejujuk jujuk mari alik ulu
Hok mano slisih bowok deero kelate, bowok deero pah
Bowok mace2 deero, hok banyoknyo deero kelate lah

Kiri kane jale tu pulok budok2 tubik rama-rama
Dok kiba deero kelate, dok pakak akak tange,
dok soorok ko sek2 hok kelik Bukik Jaley
Deeeru kreto besa kecik, baru burok ado blako
Keno sek-sek kito adik kakok hok spooting tu
Pakak wi lapu blako, dok wi hon panje berjujuk-jujuk segenak jale
Hok ambo kagong berdooh tu
sek adek-adek pakat rama-rama Gi Bukik Jaley bowok muto..
ok leh nok baye brapo kali demo tuh bereti isi minyok...
kalu mapuh ko, punoh muto ko...lagu mano nak buak kiro tuh
Sekalo ambo tengok lagu tu puye rayo jah

Jak Ttere lagi puok2 hok kelik ni dok kiba deero
Sapa aloh ko Kkere jale nok gi Muuse nuh ko lebak pakak tubik belako
Adik kakok kito kecik besa tuwo mudo hok mano tak leh gi tengok Bukik Jaley
Kalu lalu puok2 kito hok mano kelik tu, kiba ddero dok tiyup sruna
Bejujuk-jujuk tu...panje nyo bui hon, kuak nyo ppakat sooorok Geger gegok
Adek2 hok dok tepi jale ni ko kuak kibar deero, ko smangak dok lamba

Ambo ingak sremo tu sapa tubik ko Muuse jah
Masuk Merapoh pong dok ado lagi deero kito,
tinggi pulok tuh pakat dok pacok depe umoh
Nyo rukah apo poho nyo tuh
Budak2 pulok dok paka baju kelate hungga guling bating arok ddero tepi jale
Asa napok jah kreto bowok ddero kelate, berenggoh bokali tanoh dok pakat lokpak
Maso ambo bereti semeta sejik Rauk,
beley-beley make nasik dage berah lemot gula aye pesen kelate,
Geger gegok sek-sek kito bedeerung dereng lalu tepi sejik dok kona kok Liipih
Buke sekak ddero jah puok ni kiba, dok tiyuk sruno geger segenak sor Rauk
Aloh ko Bbetong tu pulok, ambo kelih van ni
Acu tera pakat kelih teh, napok dok palor budok ni wok tubik kok ceremin tu?

Asa dio napok jah sek-sek kito kelik jujuk alik kolo lupo tuh
Dio pong akak ddero, kiba bejuruh benar
Sek2 kito hok jujuk tu pulok wi lapu, wi hon
Keno hok budok2 jenih naka tu..wak tubik palo, tuboh kok ceremin
Dok bbbalah smula...ooooo laaa, niitik ai mato ambo

Toksoh dok royaklah lagu mano, memey tak habih nok kato gapo doh
Kalu lagu ni lah puok kito bersatu semer ha
Kito pakak mmolek, maju senghoti kelate kito
Pakak sikik sorey soko lebuhrayo rakyat
Wi seriya samah sorey jadi doh... seney ko puok kito jugok
Mudoh nak kelik museng rayo...Mudoh nak gi mano mano
Tok soh dok dengalah sek-sek hok dok reti kecek jah tuh
Kalu wi suruh dio wak, gapi jadi tok tahu
Mugo molek, ore buak dok cah keting
Nok nanti dio wak padey mati belang changchang